आमच्याबद्दल

“पाऊलवाट” ही उमेश, अमृता आणि वेद यांच्यासह जगभरातील प्रवासाच्या दिशेने एक सुंदर वाटचाल आहे. आम्ही जवळपास १५ वर्षांपासून जगभर प्रवास करत आहोत. आमच्या आतापर्यंतच्या प्रवासादरम्यान आम्ही आशिया, ऑस्ट्रेलिया , यूएस आणि युरोप मधील सुमारे ३८ देशांचा प्रवास केला आहे.

आम्हाला फिरायला खूप आवडते.  विविध देशातील निसर्ग सौंदर्य आणि तेथील संस्कृती शोधण्याचे आम्हाला वेडच आहे असे म्हटले तरी चालेल.

आम्ही आमच्या व्यावसायिक जीवनात अडथळा न आणता योग्य रीतीनें सुट्यांचे नियोजन  करून  किमान वर्षातून एकदा किंवा दोनदा तरी प्रवास करतो.

प्रवासाचे योग्य नियोजन करणे ही आमची एक गुरुकिल्ली आहे.  किमान सहा ते आठ महिन्या आधी प्लॅन करण्याची गरज असते.  जे की आम्ही नेहमी करतो.

ट्रॅव्हल ब्लॉग लिहिण्याचे कारण म्हणजे आमचा अनुभव आणि आम्ही फिरलेल्या देशाची माहिती इतर प्रवाशान पर्यंत पोहचवणे , जेणेकरुन त्यांचा येणाऱ्य प्रवास नियोजनात मदत होईल.

चला तर मग आपली पाऊलवाट चालू करूया.

उत्तर खूपच सोपे आहे आणि ते म्हणजे, एवढी मौल्यवान माहिती आपल्या मराठी समाज बांधवान पासून वंचित का ठेवायची?

आपणा सर्वांना माहिती आहे की आज २१ व्या शतकात ब्लॉग/वेबसाइट आणि व्हिडिओ खूप सामान्य गोष्ट झाली आहे, ते काही पहिल्या सारखे कढीण नाही राहिले. आजकाल लहान मुले बोलायला सुरुवात करण्यापूर्वीच फोन हाताळायला शिकतात हे वास्तव्य आहे. इंटरनेटवर इंग्रजी किंवा इतर सगळ्या भाषेचे अनेक साहित्य उपलब्ध आहेत

पण मग मराठी चे काय? माझा निदर्शनास असे आले की इतर सगळ्या भाषेचा तुलनेत मराठी भाषे मध्ये परदेशी ट्रॅव्हल ब्लॉग खूपच कमी उपलब्ध आहेत.

तसेच जुनी पिढी ही नवीन पिढीच्या तुलनेत वारंवार YouTube पाहत नाहीत, खरं तर त्यांना अजूनही स्थानिक वृत्तपत्र, मासिके वाचायला आवडतात किंवा ते मोबाईल मध्ये सुद्धा मराठी भाषेत लिहलेले लेख, माहिती वाचण्यास प्राधान्य देतात.

मराठी भाषेत ट्रॅव्हल ब्लॉग लिहिणे हा स्थानिक लोकांच्या हृदयाशी असलेला थेट संबंध आहे, याचा अर्थ असा नाही की मी इतर भाषांनवर आक्षेप घेत आहे, माझ्या मातृभाषेसह जगातील इतर भाषांना सुद्धा मी तितकेच महत्त्व देतो.

एक साधे उदाहरण घेऊ, जेव्हा तुम्ही जगात कुठेही किंवा अगदी भारतातील वेगळ्या राज्यात फिरताना, तुमची स्थानिक भाषा बोलू शकणार्‍या व्यक्तीला भेटल्यावर तुम्हाला ताबडतोब अधिक आरामदायी आणि सुरक्षित वाटू लागते, हे स्वाभाविकच आहे. आपण असे मी म्हणू शकतो की हे पूर्णपणे वेगळे बंधन आहे आणि तुम्हाला तुमच्या कुटुंबातील कोणीतरी भेटल्याची भावना निर्माण होते.

शेवटी, मला माझा अनुभव माझ्या आई-वडिलांसोबत आणि इतर वृद्ध पालकांसोबत शेअर करायचा आहे, बराचश्या कारणांमुळे आपल्या पालकांना जगभर फिरण्याची खूप कमी संधी उपलब्ध असते. पण ते आमच्या ब्लॉगद्वारे जगातील विविध ठिकाणे आणि त्यांची माहिती त्यांना सहजरित्या अनुभवता येईल.

या वेबसाइट द्वारे, तुमचे प्रवास नियोजन प्रक्रिया खूपच सुलभ होईल आणि तुम्हाला हव्या असल्येल्या पुढील ठिकाणांना भेट देण्यासाठी प्रेरणा मिळेल अशी आम्ही आशा करतो.